2024–2025 оқу жылындағы әдістемелік жұмыстың қорытындысы колледждің Әдістемелік кеңесінің қорытынды отырысында шығарылды. Пәндік-циклдік комиссия жетекшілері — Позднякова Т.Ю., Сүлейменова А.К., Шаяхметова Ж.Б., сондай-ақ «Жас педагог» және «Шығармашылық ізденіс» мектептерінің жетекшілері — Нұғмарова М.С. мен Лобастова М.Е. атқарылған жұмыстар бойынша есеп берді. Колледж әдіскері Қасымжанова А.С. ұжымның жалпы жұмысын таныстырып, негізгі бағыттарды қамтыды: педагогикалық құрамды талдау, біліктілікті арттыру, ішкі бақылау, ашық сабақтар өткізу, педагогикалық шеберлік байқауларына қатысу, аттестаттау, тәжірибе тарату, семинарлар мен облыстық деңгейдегі іс-шараларды ұйымдастыру.
