Өткенді білмей, бүгініміз бен болашағымызды білу мүмкін емес. Электротехника колледжінің өлкетанушылары оқу орны туралы тарихи мәліметтерді түйіндеп жинады. Тарих беттеріне көз сала кетсек…

Семей қаласының электротехника колледжі өзінің қалыптасу тарихында бірнеше кезеңнен өтті, 150 адам құрамымен техникалық училищеден құрамы 1200 білім алушыдан асатын екі сатылы оқу жүйесі, сырттай-қашықтық және курстық даярлық бөлімі бар техникалық және кәсіптік білім беретін инновациялық оқу орнына айналды.

Оның бастамасы…

ХХ ғасырдың 50 жылдарының ортасында «Электрлендіру – халық шаруашылығын дамытудың негізі» елдің басты ұраны болды. Осыған байланысты электр энергетиктердің кадрларын даярлау қажеттілігі туды. Елде еңбек қорының мектептері мен училищелері құрыла басталды.

1954 жылдың 20 қарашасында еңбек қорының Қазақ республикалық басқарма басшысының бұйрығымен көлік құрылысы Министрлігінің техникалық мектебінің ішінде Семей қаласында 15 адам құрамында №8 техникалық училище ашылды. ТУ-8 газбен электрмен дәнекерлеушілерді, жол шеберлерін, байланыс механиктерін даярлады. Училищенің құрылу бастамасында Бубнов М.Т., Гонтарь А.Т, Мельник Б.И., завучтар Залуцкий В.М., Гарбузенко П.М., оқытушылар Остертаг Е.М, Панасюк Д.Х., Квасов И.И, Гусев В.А., өндірістік оқу шеберлері Харивский Л.Г., Гетманский В.Р., Демеха Н.П., Бобрик В.П. тұрды.

1955 жылы училищенің мамандандыруы кеңейді, түйіспе торабының монтерлерін, тартқыш қосалқы станцияларын, электромеханиктерді даярлады.

1954 жылдан оқу өндірістік шеберхана базасында оқушылардың өндірістік оқуы ұйымдастырылды.

Оқу-өндірістік оқыту бойынша үздік көрсеткіштері үшін оқу топтарына мадақтамалар мен ауыспалы Қызыл Ту берілді.

Педагогикалық ұжым училище оқушыларымен бірігіп, социалистік жарыстарға, шахмат–шашка турниріне, Н.Ф. Диденконың жетекшілігімен драма үйірмелерінің жұмысына қатысты, Семей–Воскресеновка–Петропавловка, Шелеховка–Троицк–Зенковка–Бел–Ағаш–Семей маршруттарымен облыс бойынша туристік саяхатқа шықты.

Өндірістік тәжірибе барлық Совет Одағының аумақтарында өтті.

1964 жылдың 13 қазанындағы кәсіптік – техникалық білім берудегі Семей облыстық басқармасының бұйрығына сай, №8 техникалық училище №119 (ҚКТУ – 119) электриктердің қалалық кәсіптік – техникалық училищесі болып ауыстырылды.

Жылдар өтті. Материалдық техникалық база күшейіп, оқу–тәрбие үрдісі жетілдірілді. Колледждің түлектері КСРО–ның түкпір-түкпірінде жұмыс істеп өздерін үздік маман ретінде көрсетіп, беделге ие болды.

Училище түлектерінің қатысуымен 40 мың метрден астам магистральдар электрлендірілді, бұл Мәскеу – Горький – Киров – Свердловск, Мәскеу – Байкал – Нарымское, Мәскеу – Владивосток, Тайшет – Лена, Абакан – Тайшет және т.б. Белсенді шығармашылық жұмысы үшін ҚКТУ – 119 ұжымы бірнеше рет құрмет мадақтамаларымен марапатталды. Г.Гимадиеваның жетекшілігімен «Жас гвардия» үйірмесі жұмыс істеді, ардагерлермен кездесулер өткізіліп, үгітбригаданың жұмысы қызықты ұйымдастырылды.

1984 жылдан бастап оқу орнының атауы № 11 (ОКТУ – 11) орта кәсіптік техникалық училищесі болып өзгерді. Сол кезде оқу орнын басқарған директорлар В.В.Росликов, Е.Р. Баль болды. Сол кезеңнің жетістіктері – БӨАменА топтарын дайындау бойынша ұжымдық мердігерлікпен байланысты экономикалық сараптама өткізілді. Оқытушылар Ленинградта біліктілікті арттырудың Бүкілодақтық институтында білім алды.

Мамандарды даярлауда үлкен үлес қосқан завуч Р.С.Габитова, оқытушылар Г.Г.Аюпова, Х.К.Сулейменова, Л.В.Коноплева, Т.Г.Иванько, Т.Ю.Позднякова, В.И.Шапошникова, Ф.Г.Демеуова, А.В.Липихина, өндірістік оқу шеберлері Ю.Н.Золотухин, Б.А.Оразгалиев, С.З.Магавьянов.

Мамандарды даярлауда жоғары сапасы үшін ОКТУ – 11 – № 11 жоғары кәсіптік – техникалық училище (ЖКТУ – 11) атағы берілді.

1994 жылдың 29 қыркүйегінде депутаттардың облыстық маслихат жиналысының 4 сессиясының «Семей облысының білім беру жүйесін дамыту бағдарламасы туралы» Қаулыны орындау мақсатында жоғары кәсіптік – техникалық училище жеке–мемлекеттік қаржыландыруға көшумен, жоғарғы эксперименталды политехникалық лицейге (ЖЭПЛ – 11) ауыстырылуы туралы бұйрық шықты. Жоғарғы эксперименталды политехникалық лицейі жоғарғы білікті техник – электрик, техник – технологтары сияқты мамандарды даярлаумен айналысты.

1995 жылдың 11 желтоқсанындағы № 312 Қазақстан Республикасының білім беру Министрлігінің «Орта арнаулы оқу орындарының атауын өзгерту туралы» бұйрық негізінде ЖЭПЛ – 11 «Семей электротехникалық колледжі» мекемесіне ауыстырылды.

1998 жылдың 11 желтоқсанындағы Қазақстан Республикасы Үкіметінің №1335 қаулысымен «Мемлекеттік бюджеттен қаржыландырылатын мекемелердің әкімшілік бағдарламаларының сұрақтары» және 1999 жылдың 8 қаңтарындағы Қазақстан Республикасының денсаулық сақтау, білім және спорт министрлігінің «Қазақстан Республикасының Үкіметі Қаулысын жүзеге асырудың кейбір шаралары туралы» №13 Бұйрығымен, 1999 жылдың 19 қаңтарындағы Шығыс Қазақстан облысы Әкімдігінің № 638 шешімімен және 1999 жылдың 2 ақпанындағы Шығыс Қазақстан облысы білім Департаментінің №8 бұйрығымен «Семей электротехникалық колледжі» Шығыс Қазақстан облысы білім басқармасы әкімдігінің «Семей электротехника колледжі» коммуналдық мемлекеттік қазыналық кәсіпорыны болып қайта құрылды.

2008 жылдың 4 қарашасындағы Шығыс Қазақстан облысы әкімдігінің №192 Қаулысына сәйкес Шығыс Қазақстан облысы білім департаментінің «Семей электротехникалық колледжі» Шығыс Қазақстан облысы әкімдігінің білім басқармасының «Семей электротехника колледжі» болып ауыстырылды.

Оқу орнының дамуына, жоғары білікті мамандарды дайындауда  зор үлес қосқан құрметті демалыстағы оқу орнының ардагерлері: Дедков Станислав Лукьянович- арнайы пәннің оқытушысы, Сулейменова Хазина Какабаевна – жоғары санатты оқытушы, директордың тәрбие жұмысы жөніндегі бұрынғы орынбасары, Матвеев Вячеслав Владимирович- өндірістік оқытудың шебері, Панасюк Валентина Яковлевна- кітапханашы, Ахрем Мария Алексеевна- жатақхана коменданты, Бекпаева Тамара Алексеевна- кадр бөлімінің бақылаушысы, Нанба Юрий Ильич- жүргізуші.

Электротехника колледжінің құрылуы мен өркендеуі Баль Евгений Робертовичтің қызметімен тығыз байланысты. Бұл кісі техникалық және кәсіптік білім беру жүйесінде 40 жылдан астам уақыт жұмыс істеді. Еңбектегі жеткен жетістіктері және жоғары кәсібилігі үшін оған «Кәсіптік білім беру озаты», «Кәсіптік білім ардагері» атақтары, «Қазақстан Республикасының құрметті білім қызметкері», Ы.Алтынсарин, «Қазақстан Республикасының тәуелсіздігіне 20 жыл» медальдарымен марапатталды.

2013 жылдың желтоқсан айында «Электротехника колледжі» КМҚК басшылық ауысты.

13.12.2013 жылғы Шығыс Қазақстан облысы білім Басқармасының №96К бұйрығы негізінде 16.12.2013 жылдан бастап «Электротехника колледжі» КМҚК директоры қызметіне Сарпеков Азат Толкынович тағайындалды. Сарпеков Азат Толкынович «Электрлік және электр механикалық жабдықты техникалық пайдалану, қызмет көрсету және жөндеу» мамандығы бойынша «Техник-электромеханик» біліктілігін меңгерген Семей электротехниа колледжінің түлегі. Колледжде оқу барысында қоғамдық өмірдің, ғылыми-техникалық конференциялардың, кәсіби шеберлік сайыстарының белсенді қатысушысы, топ старостасы, оқу озаты болды. Колледжді аяқтағаннан кейін Қарағанды Мемлекеттік техникалық университетін «Электроэнергетика» мамандығы бойынша бітірді.

26.04.2021 жылғы Шығыс Қазақстан облысы Білім басқармасының бұйрығымен «Электротехника колледжі» КМҚК директоры болып Марат Серікболұлы тағайындалды. М.Серікболұлы 2013 жылы «Құқықтану» мамандығы, «Құқықтану бакалавры» біліктігі бойынша Қазақ гуманитарлық заң инновациялық университетін аяқтады. Бүгінгі буын оқытушылары, шеберлері және студенттері оқу орнының үздік дәстүрлерін сақтауға және өздерінің алдағы буындарының лайықты орын басушылары болуғы ұмтылады.

Колледж символикалары

Электротехника колледжінің туы алтын шашақпен көмкерілген көлемі 100 — ден 160-қа дейінгі көгілдір мата, оның ортасында тегершік суреті мен ЭКО-электротехника колледжінің стильденген үш әріптері бейнеленген ақ түсті шеңбер орналасқан. Геральдика тілінде көгілдір түс адалдық, дұрыстық, сенімділік сияқты жеке қасиеттерді білдіреді. Ақ алтынмен үйлескенде-ойлардың биіктігі. Бұл біздің оқушыларымызда көргіміз келетін қасиеттер.

Шеңбердің символдық мәні-өмірдің шексіздігі, ұрпақтардың байланысы мен сабақтастығы туралы ойлар. Шеңбер ішіндгі тегершік және Е және О әріптері -жоғары вольтты оқшаулағыш – оқытудың техникалық бағыттылығы туралы, колледжде электротехникалық бейіндегі жоғары білікті мамандарды даярлауы туралы айтады. Э әрпіндегі найзағай белгісі-реакция жылдамдығын, дұрыс шешім қабылдау қабілетін білдіреді. К әрпі — ашылған кітап-білімнің символы.

Электротехника колледжінің туы-бұл ұрпақтар сабақтастығының символы және сонымен бірге болашаққа деген көзқарас.