You are currently viewing «AntiParaCraft-2021» квест ойынының қорытындысы шығарылды.

«AntiParaCraft-2021» квест ойынының қорытындысы шығарылды.

Ұйымдастырушы:құқық пәнінің оқытушысы Қожабекова Г.Қ.

Жастар арасында сыбайлас жемқорлыққа төзбеушілікті тәрбиелеу – елдің стратегиялық дамуының негізгі факторы. 

«AntiParaCraft-2021» студенттік квест ойынының алғашқы кезеңінде оқу орындағы бөлімдер арасында іріктеу бойынша үш команда құрылды. Жемқорлыққа қарсы квест бірнеше кезеңде өтті. Ойын барысында топтар таныстыру сәтінде шараға қатысу барысындағы алға қойған мақсаттарымен таныстырды.

«AntiParaCraft-2021» студенттік квест ойынының қазіргі таңда өзектілігіне байланысты колледж директорының м.а М.Серікболұлы жастардың бойында парасаттылық пен оқу орындарында адалдық, әділдік, адамгершілік, сенімділікті қалыптастыру бағытында тамаша бастама болғанын айтты. 

Квест қорытындысы бойынша І дәрежелі дипломмен «Болашақ» тобы электромеханикалық бөлімі, ІІ дәрежелі дипломмен «Адал алақан» тобы көлік-энергетикалық бөлімі, ІІІ дәрежелі дипломмен «Намыс» тобы индустриалды-технологиялық бөлімі марапатталды.

Аталмыш шараның мақсаты осындай ойын арқылы жастарды адалдыққа, парасаттылыққа тәрбиелеу, сондай-ақ сыбайлас жемқорлыққа қарсы дағдыларды қалыптастырып, азаматтық ұстанымдарын шыңдау болып табылады.

Поделиться