31.03-1.04.2021 жылы 0910000 «Электр және электрмеханикалық жабдықтар (түрлері бойынша)» мамандығы бойынша студенттердің курстық жобасы қорғалды. Бұл курстық жоба студенттердің өзіндік жұмысы болып табылады. «Кәсіпорындар мен азаматтық ғимараттарды электрмен қамтамасыздандыру» пәні бойынша білімдерін нығайту және тереңдету мақсатында жүзеге асырылады.
Курстық жобадағы негізгі мақсат: кәсіпорындардың жүктемесін, қорғаныс құрылғыларын, қысқа тұйықталу тоқтарын, күштік трансформаторларды таңдау, трансформатордағы қуат пен энергия шығынын және электр қондырғыларына арналған жерге қосу құрылғысын есептеп шығару болып табылады.
Студенттер зерттеу тақырыбын ашып, өз жұмыстарының негізгі тұстарын атап өтті.
