Еуропалық Одақтың ERASMUS+ бағдарламасы аясындағы Абай облысы, Семей қаласындағы Шәкәрім университеті мен электротехникалық колледж базаларында ұйымдастырылған семинар-тренингтің екінші күнінде (27.09.2022ж.) серіктес-компаниялар «Семей Engineering» АҚ, «Daewoo Bus Kazakhstan» АҚ кәсіпорындарының жұмысымен таныстырылды. Дуалды оқытуды ұйымдастыру кезіндегі білім беру мекемесі мен кәсіпорындардың екіжақты тиімді әріптестігін қалыптастырудың өзекті мәселелері талқыланды.
Шәкәрім университеті базасында Тироль педагогикалық университетінен (Австрия) келген серіктестердің (Ingrid Hotarek, Mario Vötsch) «Дуалды модульдердегі білім беру параметрлерін бірлесіп бағалау» тақырыбындағы тренингімен жалғасты. Дуалды оқыту кезіндегі білім алушылардың білімдері мен құзыреттіліктерін бағалау критерийлерін қалыптастыру, білім беру сапасын арттыру мен құзыретті маман дайындаудың алғышарты екендігі атап өтілді.
