Бүгін облыстың жеті колледжі базасында «WorldSkills Abay-2023» өңірлік чемпионатына дайындық аясында «Болашақтың негізгі құзыреттері»атты облыстық форсайт – семинар басталды. КМҚК “Электротехника колледжінің” базасында өңірдің түкпір-түкпірінен келген сарапшылар «Мехатроника», «Электр монтаждау жұмыстары», «Дәнекерлеу технологиялары», «БПЛА», «Мобильды робототехника», «Сандық бағдарламалық басқару және станоктардағы токарлық жұмыстар» және «Өнеркәсіптік автоматика»құзыреттері бойынша жұмыс жүргізетін болады. Форсайт-семинар екі жұмыс күні ішінде өтеді, онда сарапшылар рөлдер мен міндеттерді айқындауы, инфрақұрылымдық парақтарды, бағалау критерийлерін, конкурстық тапсырмаларды және т.б. әзірлеуі тиіс.
