2023 жылдың 5-7 желтоқсан аралығында Алматыда еліміздегі ең көне әрі жетекші жоғары оқу орындарының бірі – Абай атындағы ҚазҰПУ қабырғасында өткен «Kazdual» жобасы бойынша үш күндік семинар аяқталды. Семинарға Германия, Австрия, Эстония елдерінен серіктестер және Алматы, Қарағанды, Семей, Шымкент қалаларының оқу орындарының өкілдері қатысты. Үш жылдан бері еуропалық серіктестердің дуальды оқыту тәжірибесін Қазақстандағы оқу орындарының жұмысына енгізу бойынша жемісті жұмыстар жүргізілуде. Бірлескен жұмыс нәтижесі бойынша ұжымдық монография жарық көрді. Жобаның барлық қатысушылары сертификаттар мен алғыс хаттарға ие болды.
