Колледжімізде 9 – желтоқсан халықаралық жемқорлықпен күрес күніне арналған колледжішілік жайдарман ойыны өткізілді. Ойынға төрелік етуге колледжіміздің өнерпаз түлектері Медғат Әділбек, Бекжан Бекзатұлы және танымал тамада, шоумен, әзілкеш Тілеубек Ульянов келді. Сонымен қатар, кешіміздің басты қонағы ҚР Сыбайлас жемқорлыққа қарсы іс-қимыл агенттігінің Абай облысы бойынша департаменті Превенция басқармасының аға офицері Байтабанов Мадияр Дәулетұлы қатысты. Ойын нәтижесінде “Miller” командасы үздік команда ретінде колледж кубогын иеленсе, аталмыш команданың мүшесі Болатов Расул үздік ойыншы номинациясына ие болып ақшалай сыйлық ұтып алды.
