Колледж қызметінің стратегиялық бағыттарының бірі халықаралық кеңістікке интеграциялау болып табылады. Бүгінгі таңда Электротехника колледжі Оңтүстік Корея, Бразилия, Германия, Австрия, Эстония, Ресей елдерінің оқу орындарымен ынтымақтасады және халықаралық байланыстарды дамытуды жалғастыруда.
2024 жылдың мамыр айында Тәжікстан Республикасынан инженерлік-педагогикалық колледжінің өкілдері Электротехника колледжіне келді. Сапар барысында алдағы өзара ынтымақтастық мәселелері талқыланды.
2024 жылдың қыркүйегінде Ынтымақтастық туралы келісімге қол қойылды. Бұл екі колледждің студенттері мен инженерлік-педагогикалық қызметкерлеріне бірлескен іс-шаралар өткізуге, тәжірибе алмасуға және мамандар даярлау сапасын арттыруға мол мүмкіндік береді.
