“KAZ Minerals Aktogay” ЖШС-мен ынтымақтастық аясында 2025 жылдың сәуір айында электр энергетикалық және механикалық бейіндегі мамандарды даярлайтын арнайы пәндер оқытушылары мен өндірістік оқыту шеберлерінің тағылымдамасын өткізу жоспарлануда. Тағылымдаманың мақсаты өңірдің жетекші кәсіпорындарында жаңа технологиялардың дамуын, болашақ мамандардың құзыреттілік деңгейінің жұмыс берушілердің талаптарына сәйкестігін және олардың бәсекеге қабілеттілігін арттыруды ескере отырып, мамандарды даярлау сапасын қамтамасыз ету бойынша тығыз ынтымақтастық болып табылады. Тағылымдама шеңберінде инженерлік-педагогикалық қызметкерлер кәсіпорындағы өндірісті ұйымдастырумен, қауіпсіздік техника ережелерімен, технологиялық жабдықтар жұмысының ерекшеліктерімен танысады, осы кәсіпорында енгізіліп жатқан жаңалықтарды зерделейді.
