2 желтоқсан күні Электротехника колледжінде ерекше дәріс өтті!
“Тарихи таным” үйірмесінің ұйымдастыруымен Абай атындағы облыстық әмбебап кітапханасы жанындағы «Асық» әдеби-мәдени клубының белді мүшесі Мавленова Диляраның қатысуымен “Мамандықтың мәні” тақырыбында лекция өтті.
Лекция барысында «Отбасы хрестоматиясы» баспасы, Сәкен Нұрқабекұлының “Мамандықтың мәні” кітабы негізінде кәсіби өмірдің философиялық аспектілері талқыланды. Студенттер қызығушылық танытып, белсенді пікір алмасты. «Адамға мамандықтың не керегі бар?», «Маман боп қалыптасқанда не табасың?», «Кәсіптің мәні не?», «Мамандық адамның пешенесіне жазыла ма, әлде өзі таңдай ма?» деген сияқты бірқатар сауалдарға тоқталып, мән-маңызы айтылды.
Студенттер қызығушылық танытты,белсенді кері байланыс жүргізді. АУП 411 к тобының студенті Бексұлтан “Мен осы колледжге оқуға түсерде екіұдай ойда болдым, алайда бүгінгі лекциядан соң, дұрыс таңдау жасағанымды айта аламын” деді. Бұл дәріс студенттердің болашақ мамандығын тереңірек түсінуіне ықпал етті.
