You are currently viewing «Санжар Керімбайдың кітабының тұсаукесері: Электротехника колледжінің студенттері мен оқытушыларының әсерлері»

«Санжар Керімбайдың кітабының тұсаукесері: Электротехника колледжінің студенттері мен оқытушыларының әсерлері»

10 желтоқсан күні Абай атындағы ғылыми-әмбебап кітапханасында белгілі ағартушы Санжар Керімбайдың “Қаныш және ғылыми майдан” кітабының тұсаукесері өтті. Осы шараға Электротехника колледжінің “Тарихи тізбек” клубының мүшелері және оқытушылары барып, кітап авторының тұшымды ойларын зерделеді. Кітаптың тұсаукесері ерекше әсер қалдырды, өйткені автор өз еңбегінің мәні мен мағынасын тереңінен түсіндірді. Санжар Керімбайдың ғылым мен ағартушылық саласындағы ой-пікірлері бізге зор шабыт берді. Әр сөзінде білімі мен тәжірибесі көрініп тұрды. Осындай мәнді де маңызды шаралар біздің рухани байлығымызды арттырады және жастардың әдебиетке деген қызығушылығын оятады. Клуб мүшелері өздерінің алған әсерлерін бір-бірімен бөлісіп, кітаптың негізгі идеяларын талқылап, көптеген қызықты ойлар түйді. “Қаныш және ғылыми майдан” кітабын оқу арқылы біз өзіміздің білімімізді тереңдетіп, жаңа идеялар мен көзқарастарды меңгеруге тырысамыз. Санжар Керімбайдың еңбегі бізге ғылымның және білімнің құндылығын тағы бір мәрте еске салды. Келесі кездесуде тағы да осындай танымдық іс-шараларға қатысуға асықпыз!