2025 жылдың 14-қаңтарында Электротехника колледжінің өкілдері мен Бразилияда өтетін WorldSkills чемпионатына дайындық орталығының директоры, TRINUM, Адемир Бассанеси арасында онлайн кездесу өтті, шара барысында болашақ ынтымақтастық перспективалары талқыланды.
Бірлескен жұмыстың келесі бағыттары белгіленді:
• Ынтымақтастық туралы меморандумға қол қою;
• WorldSkills халықаралық чемпионатына бірлескен дайындық;
• жаһандық экономикада жұмыс істеу үшін қажетті дағдыларды дамыту;
• білім сапасын арттыруға бағытталған бірлескен инновациялық жобаларды жүзеге асыру;
• арнайы пәндердің оқытушылары үшін тағылымдамадан өту.
Бұл бастамалар колледждегі студенттер үшін де, оқытушылар үшін де жаңа мүмкіндіктер ашады.
Онлайн кездесу Электротехника колледжі мен WorldSkills TRINUM Brazil оқу орталығы арасындағы байланысты нығайту, инновацияларды ілгерілету және әлемдік білім беру тәжірибесін кеңейту жолындағы маңызды қадам болды.
