2025 жылғы 22 қаңтарда жұмысшы мамандықтар жылын өткізу шеңберінде Абай облысы білім басқармасының “Электротехникалық колледжі” КМҚК-да “Табыс формуласы”шеберлік сыныптары өтті. Колледж студенттеріне арналған шеберлік сыныптарын біздің өңірде өндірісте жұмыс істейтін оқу орнының түлектері өткізді: Елубаев Ринат Сейсенұлы- “Біріккен энергосервистік Компания” АҚ филиалы Абай аймағының директоры, тақырыбы “Өндірістегі электр энергетикалық бейіндегі мамандарға қойылатын талаптар”; Кәрімханов Бекзат Нұрланұлы — Қызметкерлерімен жұмыс жөніндегі бөлім басшысының орынбасары «ҚТЖ-Жүк тасымалы» ЖШС филиалы “Семей Жүк тасымалы бөлімшесі” , тақырыбы “Теміржол бейіні маманының кәсіби құзыреттілігі”; Лобанов Никита Викторович — Электротехникалық колледж директорының Ақпараттық технологиялар жөніндегі орынбасары, тақырыбы “Ұжымды ынталандыру — табысты жұмыстың кепілі ретінде”. Мастер-класс спикерлері — бұл жоғары білікті мамандар және кәсіпорындар мен олардың бөлімшелерінің басшылары болып қалыптасқан кәсіби инженерлер. Олардың табысқа жету формуласы-мамандыққа деген сүйіспеншілік, күнделікті қажырлы еңбек, кәсіби деңгейді көтеруге ұмтылу. Мастер-класстар барысында болашақта жас мамандарға алынған білімнің маңыздылығын түсініп қана қоймай, сонымен қатар әртүрлі салаларда жоғары кәсіби деңгейге жеткен аға жолдастардан ақпарат алуға көмектесетін мәселелер қозғалды. Мастер-класстар белсенді түрде өтті, студенттер спикерлерге өздерін қызықтырған сұрақтарын қойды, олардың студенттік өмірі мен кәсіби жетістіктеріне қызығушылық танытты.
