Электротехника колледжі Қырғызстанның жетекші оқу орындарының бірі – И.Раззаков атындағы Қырғыз мемлекеттік техникалық университетінің Бішкек техникалық колледжімен ынтымақтастық туралы келісім-шартқа қол қою арқылы халықаралық ынтымақтастықты қарқынды түрде дамытып келеді.
Электротехника колледжі мен И. Раззаков атындағы Қырғыз мемлекеттік техникалық университетінің Бішкек техникалық колледжі арасындағы ынтымақтастық білім сапасын арттыруға, тәжірибе мен білім алмасуға, өзара қызығушылық танытатын мәселелер бойынша ғылыми-техникалық және оқу-әдістемелік семинарлар мен конференциялар ұйымдастыруға, сондай-ақ түлектердің нарықтағы бәсекеге қабілеттілігін арттыру мақсатында бірлескен іс-шаралар өткізуге бағытталған.
