«Абай облысының білім басқармасы» ММ және «Облыстық инновациялық-әдістемелік орталығы» КММ ұйымдастыруымен Семей қаласы №10 ЖОББ мектебінде «Кәсіби бағдар іс жүзінде: әдістер, трендтер, перспективалар» тақырыбында республикалық семинар-практикум өтті.
Семинар-практикумға ҚР Оқу-ағарту министрлігі Ыбырай Алтынсарин атындағы Ұлттық білім академиясының Кәсіби бағдарлау және адами капиталды дамыту орталығының директоры Галимжанова Маржан Анесовна және республика, облыс мектептерінің кәсіби бағдар беру педагогтары, сондай-ақ қалалық және аудандық әдістемелік кабинет әдіскерлері қатысты.
Семинар-практикум 2 бөлімнен тұрды:
1. Пленарлық отырыста педагог-профориентаторлар өз тәжірибелерімен бөлісті.
2. 10 тақырып бойынша заманауи білім трендтеріне негізделген шеберлік сағаттары өтіп, мектеп ұстаздарының іс-тәжірибесі таратылды.
Шараның басты мақсаты – оқушылардың саналы кәсіби таңдау жасауына көмектесетін жаңа әдістер мен стратегияларды енгізу. Бұл шара педагогтер үшін өзара тәжірибе алмасуға, жаңа идеялар мен тиімді шешімдерді талқылауға үлкен мүмкіндік берді. Осындай маңызды кездесулер оқушылардың болашақ мамандығын саналы таңдауға көмектесетіні сөзсіз.
