2025 жылдың 10 сәуірінде “Жұмысшы мамандықтар жылы” аясында Электротехникалық колледжде директор А.М. Шаукежанов бастаған “Қазақстан Темір Жолы “Ұлттық компаниясы” АҚ филиалы Магистральдық желі Семей бөлімшесінің өкілдерімен студенттердің кезекті кездесуі өтті. Бұл кәсіпорын теміржол және энергетикалық бейіндегі мамандықтар бойынша колледждің басты әлеуметтік серіктестерінің бірі болып табылады. Бірлескен жұмыс өндірістік практиканы ұйымдастырудан, оқу жоспарлары мен бағдарламаларын келісуден, кәсіпорын қызметкерлерінің аттестациялық емтихан комиссияларының құрамына қатысуынан тұрады. Кездесу барысында студенттер өңірдегі теміржол кәсіпорындарының даму тарихымен, олардың инфрақұрылымымен, бөлімшелердің жұмысын ұйымдастырумен, еңбекақы төлеу және әлеуметтік кепілдіктер жүйесімен танысты. Сондай-ақ, компания өкілдері практикадан өту тәртібіне, жұмысқа орналасу мүмкіндіктеріне, одан әрі оқыту мен мансапқа қызығушылық танытқан студенттердің сұрақтарына толық жауап берді.
