2025 жылдың 11 сәуірінде “Жұмысшы мамандықтар жылы” аясында Электротехникалық колледжде студенттердің “АЭС Шүлбі СЭС” ЖШС өкілдерімен кезекті кездесуі өтті. Бұл кәсіпорын энергетикалық бейіндегі мамандықтар бойынша колледждің басты әлеуметтік серіктестерінің бірі болып табылады.Бірлескен жұмыс өндірістік практиканы ұйымдастырудан, оқу жоспарлары мен бағдарламаларын келісуден, кәсіпорын қызметкерлерінің аттестациялық емтихан комиссияларының құрамына қатысуынан тұрады. Кездесу барысында студенттер кәсіпорынның негізгі бөлімшелерімен , олардың жұмысын ұйымдастырумен , еңбекақы төлеу және әлеуметтік кепілдіктер жүйесімен танысты. Сондай-ақ, компания өкілдері студенттердің практикадан өту, жұмысқа орналасу, оқу және мансап мүмкіндіктері туралы сұрақтарына жауап берді.
