08.09.2025 жылы «Отбасым – менің мерейім» атты ұлттық құндылықтарды дәріптеуге арналған психологиялық тренинг өткізілді. Тренинг барысында отбасы құндылықтары, өзара сыйластық, түсіністік, сенім мен жауапкершілік мәселелері талқыланды. Білім алушыларға отбасына деген сүйіспеншілікті арттыру, дәстүр мен рухани құндылықтарды құрметтеу, бір-біріне қамқор болу қажеттілігі түсіндірілді. Сонымен қатар қатысушылар отбасының қоғамдағы рөлі, тұлғаның мәдени және адамгершілік тұрғыда қалыптасуындағы маңызы жөнінде ой бөлісіп, тәжірибе алмасты. Іс-шара білім алушылардың ұлттық құндылықтарға деген көзқарасын қалыптастыруға, отбасы ұғымының мәнін терең түсінуге ықпал етті.
