2021 жылғы 17 наурызда ШҚО колледждері директорларының оқу — өндірістік жұмысы жөніндегі орынбасарларының облыстық әдістемелік бірлестігінің жоспарына сәйкес «World Skills қозғалысын дамыту : мәселелері мен болашағы» тақырыбында онлайн семинар өтті. Семинар жұмысына облыстың ТжКБ жүйесінің 40-тан астам қызметкері қатысты. World Skills қозғалысының даму мәселелері мен перспективалары туралы ШҚО колледждері директорларының оқу — өндірістік жұмысы жөніндегі орынбасарларының облыстық әдістемелік бірлестігінің төрайымы А. Г. Молдиярова баяндама жасады.
Семинар барысында сондай — ақ Семей қ.құрылыс колледжі директорының оқу-өндірістік жұмысы жөніндегі орынбасары А. С. Нұрғожанова әзірлеген «Шеберлікке қадам» Құрылыс бейініндегі мамандарға арналған World Skills чемпионаттарына дайындық бойынша әдістемелік нұсқаулықтың тұсаукесері өтті.
Облыстық чемпионаттардың жеңімпаздарын республикалық жарыстарға дайындау бағдарламаларын әзірлеу туралы семинарға қатысушыларға Электротехникалық колледжі директорының ақпараттық технологиялар жөніндегі орынбасары Д.Н. Смаилов айтып берді.
Семинар қорытындысы бойынша облыстық чемпионаттардың жеңімпаздарын республикалық жарыстарға дайындау және колледждердің тәжірибесін республикалық деңгейде тарату бойынша ұсыныстар әзірленді.
