Шығыс Қазақстан облысының кәсіптік білім беру орталығы мектептердің 8-11 сынып оқушыларына білім беру, ауыл шаруашылығы, қызмет көрсету саласы, медицина т.б. бағыттар бойынша ақпарат беру мақсатында Аягөз қаласында, Жарма, Үржар аудандарында ағымдағы жылдың 8 қарашасынан бастап «СтартПрофи — Shygys» стенд-моб жұмысын ұйымдастырды.
Өткізілген іс-шараның мақсаты: облыстың еңбек нарығында жұмысшы мамандықтарының маңызын айқындап, беделін арттыру; мектеп оқушыларына болашақ мамандықтар туралы кәсіби бағыт-бағдар беру.
Аталған іс-шараға «Электротехника колледжінен» КМҚК арнайы пәндер оқытушысы Шынарбек Шыңғыс Әбілұлы қатысты.
Өткізілген стенд-моб іс-шарасында колледжімізде даярланатын мамандықтар туралы материалдар таратылып, ақпараттар беріліп, бейнероликтер оқушылардың назарларына ұсынылды.
Кәсіптік бағдар беру жұмысы карантин жағдайындағы санитарлық-гигиеналық талаптарға байланысты әр мектептен 50 баланы оффлайн форматта және онлайн форматта 200-ден астам оқушыны қамтыды. Жалпы «СтартПрофи — Shygys» стенд-моб іс – шарасына 72 мектептің 1827 оқушысы қатысты.
Іс-шараның нәтижесінде жастар бүгінгі таңда өңірде сұранысқа ие мамандықтар бойынша толық ақпарат алып, болашақ мамандықтарын дұрыс таңдау мүмкіндігіне ие болды.
![](https://eko.edu.kz/wp-content/uploads/2022/04/20211109_095549-1024x1024-2-1024x1024.jpg)
![](https://eko.edu.kz/wp-content/uploads/2022/04/IMG-20211111-WA0027-1024x871-2.jpg)
![](https://eko.edu.kz/wp-content/uploads/2022/04/IMG-20211108-WA0106-1.jpg)