22 қыркүйек 2022 ж. академик Е.А. Бөкетов атындағы Қарағанды университетінің базасында Erasmus+ бағдарламасының «Қазақстанда дуальды жүйені енгізу» – KazDual халықаралық жобасы аясында жобалық кездесу, оқу жағдайларын дамыту бойынша оқу тренингтері өтуде. Юлия Непомящая, Магдебург университетінің (Германия) оқытушысы, кәсіби оқытудың 32 әдістемесін ұсынды. Қатысушылар оқу жағдайларын ұйымдастыру технологияларымен танысты. Қатысушылардың әр командасымен дуальды оқыту әдістемелері әзірленіп, таныстырылды. Тироль педагогикалық университетінің (Австрия) сарапшылары Ингрид Хотарек және Марио Вотч «Дуальды білім берудегі оқытудың педагогикалық тәсілдерімен таныстырып өтті. Конференция барысында Баян Сапаргалиева, Abai University жобасының ұлттық үйлестірушісі «Қазақстанда дуальды жүйені енгізу» KazDual жобасын іске асыру барысы туралы айтып берді, М.Әуезов атындағы ОҚУ академиялық мәселелер жөніндегі проректоры Роза Абишева «Дуальды оқыту жүйесі арқылы құзыреттілікті қалыптастыру: Auezov Universuty тәжірибесі» тақырыбында онлайн баяндама жасады.
Күннің екінші жартысында команда мүшелері «QazTehna» зауытына экскурсияға барды. Зауыт мамандары академик Е.А. Бөкетов атындағы Қарағанды университеті мен Қарағанды жоғары политехникалық колледжінің дуальды бағдарламалар студенттерімен жұмыс істеу тәжірибесі туралы айтып берді. Қатысушылар тәлімгерлікті ұйымдастыру, қолдау және тағылымдамадан өтуші-дуальдарды ынталандыру тәжірибесіне қызығушылық танытты.
Анықтама: «QazTehna» – бұл заманауи, жоғары технологиялық, экологиялық таза, халықаралық сапа стандарттарына жауап беретін, Қазақстанда жолаушылар автобустары мен электробустарын, карьерлік, құрылыс және жол техникасын өндіруші.
