2023 жылдың 24 ақпанында Электротехника колледжінде «Дәнекерлеу ісі (түрлері бойынша)» мамандығының екінші және үшінші курс студенттері арасында инженерлік-педагогикалық қызметкерлер Е.Г.Кенесканов пен П.А.Жаппаровтың ұйымдастыруымен «Үздік дәнекерлеуші» байқауы өтті. Байқаудың мақсаты – World Skills Kazakhstan-2023 жұмысшы мамандықтары чемпионатының облыстық кезеңіне одан әрі дайындық үшін үздік студенттерді анықтау. Сайысқа әр топтан үш өкіл қатысты. 1 орынды СД-235 тобының студенті Сухинин Валентин, 2 орынды СД-235 тобының студенті Николай Замашный, 3 орынды СД-426 тобының студенті Бошаев Колканат иеленді. Қалған қатысушылар дипломдармен марапатталды.
